ملتان (نیوزڈیسک)پاکستان تحریک انصاف کے سابق صدر اور سینئر سیاستدان مخدوم جاوید ہاشمی نے دعویٰ کیا ہے کہ اسلام آباد میں پی ٹی آئی کے دھرنے کا مقصد وزیراعظم نواز شریف کو ڈرانا نہیں ¾ آرمی چیف جنرل راحیل کو حکومت کےخلاف اکسانا تھا۔نجی ٹی وی سے گفتگو کرتے ہوئے جاوید ہاشمی نے کہاکہ دھرنے کے ماسٹر مائنڈ آرمی چیف جنرل راحیل شریف کے ذریعے اپنے مقاصد پورے کرنا چاہتے تھے۔انہوںنے کہاکہ دھرنے کے پیچھے فوج کے کچھ کمانڈرز اور اس وقت کے آئی ایس آئی سربراہ جنرل ظہیر الاسلام تھے جن کی پشت پر اصل ہاتھ احمد شجاع پاشا کا تھاانہوں نے کہا کہ آرمی چیف نے بڑی ہمت سے فیصلہ کرکے جمہوریت کی کشتی ڈوبنے سے بچائی ورنہ ایسا پہلے بھی ہوتا آیا ہے اور اب بھی ہوجاتا۔جاوید ہاشمی نے کہا کہ دھرنے کے دوران جب آگے بڑھنے اور قبضے کی بات ہوئی تو انہوں نے فوراً پریس کانفرنس کردی جس کے بعد پہلی بار ان کے پاس سابق آئی ایس آئی چیف جنرل پاشا کا فون آیا۔انہوں نے بتایا کہ پاشا نے انہیں دھمکی دیتے ہوئے کہا کہ وہ نواز شریف ، خواجہ آصف اور چوہدری نثار سے نمٹ لیں گے۔گزشتہ عام انتخابات میں دھاندلی سے متعلق گفتگو کرتے ہوئے انہوں نے کہا کہ سینئر پارٹی لیڈر شاہ محمود قریشی نے اپنے اراکین اسمبلی سے کئی بار خود کہا کہ پنجاب میں منظم دھاندلی نہیں ہوئی عام انتخابات میں بڑے پیمانے پر دھاندلی کے ثبوت اکھٹے نہیں کیے گئے نہ ہی ایسے ثبوت تحریک انصاف کے پاس ہیں