اسلام ا باد ( نیوز ڈیسک) وزیر دفاع خواجہ محمد ا صف نے ایم کیو ایم کے قائد الطاف حسین کے بیانات پر سخت ردعمل دیتے ہوئے کہا ہے کہ ”را” پاکستان کو صحفہ ہستی سے مٹانے کی ناکام کوششوں میں مصروف بھارتی تنظیم کا نام ہے۔ بھارت دہشتگردی کیخلاف جنگ میں ہمارا ہمدرد ہوتا تو سرحد پر کبھی کشیدگی پیدا نہ کرتا۔ الطاف حسین کا بھارتی خفیہ تنظیم ”را” سے متعلق بیان کوئی پاکستانی نہیں دے سکتا۔ نجی ٹی وی سے گفتگو کرتے ہوئے خواجہ ا صف کا کہنا تھا کہ الطاف حسین اپنے متنازع بیانات پر کتنی دفعہ معافیاں مانگیں گے، ہر چیز کی کوئی حد ہوتی ہے۔ جائزہ لیا جائے گا کہ الطاف حسین کیخلاف کس قسم کی قانونی چارہ جوئی کی جائے۔ وزیر دفاع نے کہا کہ بلوچستان میں ا زادی کے نام نہاد لیڈروں کے پاس بھارتی پاسپورٹس ہیں۔