اسلام آباد(نیوزڈیسک) پیپلزپارٹی کے باغی رہنماءاورسابق وزیرداخلہ ذوالفقارمرزانے انکشاف کیاہے کہ آصف علی زرداری آٹھویں جماعت میں دودفعہ فیل ہوئے اورتین سال میں پاس ہوئے ۔انہوں نے ایک نجی ٹی وی سے گفتگوکرتے ہوئے کہاکہ میری پہلی شوگرمل 1989میں شروع ہوئی اوردوسری بعد میں خریدی ۔انہوں نے کہاکہ آصف زرداری کے ٹیلی فون پرمیری شوگرمل کی لیزہوئی اورآصف زرداری نے مجھے 15کروڑ کاقرضہ بھی دلوایا۔ذوالفقارمرزانے کہاکہ میں توشوگرمل واپس کرکے احسان اتارناچاہتاتھا۔انہوں نے کہاکہ مجھے سندھ کاوزیرداخلہ ایم کیوایم کوفکس کرنے کے لئے لگایاگیاتھا۔انہوں نے کہاکہ آصف زرداری کاماڈل ایان علی سے براہ راست تعلق ہے ۔انہوں نے انکشاف کیاکہ صولت مرزاکومیں حیدرآبادجیل منتقل کرایاتھااورصولت مرزانے الطاف حسین کے کہنے پرقتل کیاتھا