اسلام آباد(مانیڑنگ ڈیسک) امام کعبہ شیخ خالد الغامدی نے کہا ہے کہ مسلمان آپس میں بھائی بھائی ہیں متحد نہ ہونے کی وجہ سے ہمیں مشکلات کا سامنا ہے۔پارلیمنٹ کی مسجد میں نماز مغرب کی نماز کے بعد خطاب کرتے ہوئے امام کعبہ کا کہنا تھا کہ حضرت محمدﷺ نے انصار اور مہاجرین کو بھائی بھائی بنایا تھا تاہم تمام مسلمان ایک جسم کی مانند ہیں اور متحد ہو کر ہی باطل قوتوں کا سامنا کیا جا سکتا ہے۔ان کا کہنا تھا کہ مسلمانوں میں اتحاد نہ ہونے کی وجہ سے مسلم امہ مشکلات کا شکار ہے۔امام کعبہ نے پارلیمنٹ کی مسجد میں اپنے خطاب کے بعد مسلمانوں کے اتحاد کیلئے دعا بھی کروائی ۔