اسلام آباد( نیوز ڈیسک) پاکستان تحریک انصاف کے چیئرمین عمران خان نے کہاہے کہ نوازشریف خود بھی دھاندلی کا اعتراف کرچکے ہیں ، اعتزاز احسن نے ٹھیک کہاہے ، دھاندلی کے ثبوت تو تھیلوں میں پڑے ہیں ،تھیلے کھولیں ،سب لوگوں کا کردار سامنے آجائے گا۔عمران خان کے بیان پر وفاقی وزیراطلاعات نے اپنے ردعمل میں پی ٹی آئی چیئرمین کو شدید تنقید کا نشانہ بناتے ہوئے کہاکہ عوام کو گمراہ کرناچھوڑ دیں ، کبھی کہتے ہیں کہ دھاندلی کیخلاف شواہد ان کے پاس موجود ہیں تو کبھی کہتے ہیں تھیلے کھولیں ، دھاندلی کے ثبوت ان میں موجود ہیں۔ دھاندلی کی تحقیقات کیلئے تشکیل دیئے گئے جوڈیشل کمیشن کی سماعت کے بعد میڈیا سے گفتگوکرتے ہوئے عمران خان نے کہاکہ ایک ہفتے میں تحقیقات مکمل ہوسکتی ہیں ،خود نوازشریف سمیت 21جماعتوں نے دھاندلی کی تصدیق کرتے ہوئے کمیشن سے رجوع کیا۔ اُن کاکہناتھاکہ اعتزاز احسن کا یہ موقف درست ہے کہ دھاندلی کے ثبوت تو تھیلوں میں پڑے ہیں ،اعتزاز نے 60حلقے کھولنے کا مطالبہ کیاہے اور سوال تو یہ ہے کہ لاکھوں کی تعداد میں اضافی بیلٹ پیپرز کیوں چھپوائے گئے اور اگر ضرورت کے مطابق اضافی بیلٹ پیپرچھپوائے گئے ہیں تو حلقے میں ایک امیدوار کو مہیا کرنے کی ضرورت کیوں پیش آئی ؟ عام انتخابات میں الیکشن کمیشن کاکردار بھی دیکھناچاہیے ۔ اُن کاکہناتھاکہ ہم نے اگر انتخابی نظام جوں کا توں چلتے رہنے دیا تو یہ نظام کبھی ٹھیک نہیں ہوسکے گا، دھاندلی کرنیوالوں کی نشاندہی اور سزاﺅں کے بعد ہی کچھ اصلاح کی امید ہے ۔ عمران خان نے انکشاف کیاکہ ن لیگ ججوں کو بھی اپنے ساتھ ملاناچاہتی ہے ، وکیل نے کہاکہ اگر کوئی جج غلط کرے تو کیاپوری عدلیہ کو بھی پوچھیں گے جونہایت غلط بات ہے ، کمیشن کو بھی دباﺅ میں لایاجارہاہے ، اگر ایک شخص یعنی افتخار چوہدری پکڑاگیاتو ساری عدلیہ بدنام ہوگی ، یہ کہاجارہاہے لیکن دراصل اس میں ریٹرننگ افسران کا کردار تھا۔ عمران خان کے بیان میں ردعمل میں وزیراطلاعات پرویز رشید نے اُنہیں آڑے ہاتھوں لیا اور کہاکہ وہ قوم کو بے وقوف بناناچھوڑدیں ، کبھی کہتے ہیں کہ دھاندلی کے ثبوت اُن کے پاس موجود ہیں تو کبھی کہتے ہیں کہ تھیلے کھولیں ، خیبرپختونخواہ میں عوام مررہے ہیں ، عمران خان اسلام آباد میں کیا کررہے ہیں ؟ وزیراعلیٰ خیبرپختونخواہ کہاں ہیں ؟
اُنہوں نے کہاکہ دھاندلی کا شور مچانے والے خان صاحب یہ بتائیں آپ کو 2013 ءمیں70 لاکھ ووٹ کیسے ملے؟دراصل قومی اسمبلی کے حلقہ این اے 122 میں تھیلے کھلنے کے بعد عمران
نوازشریف دھاندلی کا اعتراف کرچکے ، سارے ثبوت تھیلوں میں ہیں :عمران خان ، عوام کو گمراہ کرناچھوڑدیں : وزیراطلاعات
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
تعلیمی ادارے 20 سے 25 نومبر تک بند رکھنے کا اعلان
-
حکومت نے پیٹرول اور ڈیزل کی نئی قیمتوں کا اعلان کردیا
-
سرکاری ملازمین کیلیے بڑی خوشخبری، حکومت کا اہم فیصلہ
-
’اداکارہ کو سلمان خان سے بچانا تھا‘: ایشوریا رائے کے سابق باڈی گارڈ کا حیران کن بیان
-
پی ایس او نے ایل پی جی کی فی کلو قیمت مقرر کردی
-
سونے کی فی تولہ قیمت میں آج بھی بڑی کمی
-
بوسنیا میں چار دن
-
سونے کی قیمت میں آج بھی 15 ہزار روپے سے زائد کی کمی آگئی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سابق وفاقی وزیر کو بے دردی سے قتل کردیا گیا
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
پنجاب میں سرکاری گندم کی قیمت مقرر
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
غیر ملکیوں کا ڈیٹا لیک کرنے کے ملزم نے گلا کاٹ لیا



















































