لاہور(نیوزڈیسک) لاہورکے علاقے داروغہ والا میں مبینہ پولیس مقابلہ میں تین دہشتگردہلاک ہوگئے ۔تفصیلات کے مطابق یہ پولیس مقابلہ اس وقت شروع ہواجب لاہورسی آئی اے پولیس نے ایک اطلاع پرچھاپہ ماراتو دہشتگردوں نے جوابی فائرنگ شروع کردی جس کے جواب میں پولیس نے بھی فائرنگ کی جس سے تین دہشتگرد ہلاک ہوگئے ،پولیس نے دہشتگردوں کامقابلہ کرنے کے لئے مزیدنفری طلب کرلی ،مارے جانے والے دہشتگردوں کی شناخت حفیظ ،یاسراوررفیق کے نام سے ہوئی ہے اوران کاتعلق ایک کالعدم تنظیم سے بتایاجارہاہے ،ایس پی عمرورک کے مطابق ملزمان سے دوکلاشنکوفیں اوردیگراسلحہ برآمدہواہے جبکہ ابھی تک پولیس اورملزمان میں مقابلہ جاری ہے جسکی وجہ سے پولیس کی مزیدنفری طلب کرلی گئی ہے ۔جبکہ ایک نجی ٹی وی کے مطابق مارے جانے والے ملزمان میں ایک دہشتگردی سری لنکاکی کرکٹ ٹیم پرحملے میں ملوث تھا ۔