شکار پور (نیوزڈیسک ) نادرا کی انگوٹھوں کے نشانات کی تصدیق سے متعلق رپورٹ دنیا نیوز نے حاصل کرلی ہے۔ قومی اسمبلی کے حلقہ 202 شکار پور کے ایک پولنگ سٹیشن پر ایک شخص نے 310 ووٹ ڈالے۔ رپورٹ میں یہ بھی کہا گیا ہے کہ کسی بھی انتخابی حلقے میں انگوٹھوں کی سو فیصد تصدیق ممکن نہیں۔ انگوٹھوں کے نشانات کی تصدیق سے متعلق نادرا رپورٹس کی نقول دنیا نیوز نے حاصل کرلیں۔ نادرا نے رپورٹ میں کہا ہے کہ قومی اسمبلی کے حلقہ 202 شکارپور میں ایک پولنگ سٹیشن پر ایک شخص نے 310 ووٹ ڈالے جبکہ اسی حلقہ میں ہی ایک اور پولنگ سٹیشن پر 503 ووٹرز نے دو دفعہ ووٹ کاسٹ کیے ، این اے 202 سے پیپلز پارٹی کے آفتاب شعبان میرانی رکن قومی اسمبلی منتخب ہوئے تھے۔ این اے 118 لاہور میں 142 ووٹ ایسے ڈالے گئے جو اس حلقے کی انتخابی فہرستوں میں رجسٹرڈ ہی نہ تھے ، این اے 118 لاہور سے ن لیگ کے محمد ریاض ملک رکن قومی اسمبلی منتخب ہوئے۔ این اے 256 کراچی میں 11 ہزار سے زائد جعلی شناختی کارڈ نمبرز استعمال ہوئے ، اور اسی حلقے میں 791 ووٹ ایسے ڈالے گئے جو اس حلقے میں رجسٹرڈ ہی نہ تھے۔ این اے 256 میں 57 ہزار 642 ووٹوں پر انگوٹھوں کے نشان کی تصدیق نہ ہوسکی ، این اے 256 کراچی سے ایم کیو ایم کے اقبال محمد علی رکن قومی اسمبلی منتخب ہوئے تھے۔ این اے 40 فاٹا میں 2597 افراد نے دو بار ووٹ کاسٹ کیا ، اس حلقے میں 9 ہزار 349 جعلی شناختی کارڈ نمبرز پر ووٹ ڈالے گئے ، ان میں ایسے شناختی کارڈ نمبرز پر بھی ووٹ ڈالے گئے جو کبھی جاری ہی نہیں کیے گئے ، این اے 40 فاٹا سے پاکستان مسلم لیگ ن کے محمد نذیر خان رکن قومی اسمبلی منتخب ہوئے تھے۔ نادرا نے اپنی رپورٹ میں یہ بھی کہا ہے کہ الیکشن کمیشن نے معیاری سیاہی استعمال نہیں کی۔ غیر تربیت یافتہ عملے نے انگوٹھوں پر ضرورت سے زیادہ سیاہی لگائی جس کے باعث انگوٹھوں کی تصدیق نہ ہوسکی۔ نادرا نے رپورٹ میں یہ بھی کہا ہے کہ کسی بھی انتخابی حلقے میں انگوٹھوں کی سو فیصد تصدیق ممکن نہیں –
شکار پور ،پولنگ سٹیشن پر ایک ووٹر نے 310 ووٹ کاسٹ کئے،نادرارپورٹ نے بھانڈاپھوڑدیا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
3بچوں کی پراسرار اموات کا معمہ حل،ماں ہی قاتل نکلی



















































