ہفتہ‬‮ ، 05 اپریل‬‮ 2025 

ملک کے کے اہم ترین حصے نے سفید چادر اڑھ لی ،سردی کی شدت میں اضافہ ،گیس بندش ، عوام شدید مشکلات کا شکار

datetime 11  دسمبر‬‮  2020
ہمارا واٹس ایپ چینل جوائن کریں

قلات(آن لائن)قلات شہر و گردنواح میں موسم سرما کی پہلی برفباری، کوہ ہربوئی نے سفید چادر اوڑھ لی، سردی کی شدت میں مزید اضافہ، گیس غائب، گیس بندش سے عوام کو مشکلات کا سامنا،صارفین سردی سے ٹھٹر کر رہ گئے۔گیس بحالی کا مطالبہ،  تفصیلات کے مطابق جمعہ کی صبح قلات شہر و گردونواح میں ہلکی برفباری ہوئی جوکہ وقفے وقفے سے جاری رہا جبکہ سیاحتی مقام کوہ

ہربوئی و دیگر ملحقہ علاقوں میں برفباری کا سلسلہ جاری رہا جس سے کوہ ہربوئی نے سفید چادر اوڑھ لی۔ دوسری جانب برفباری کے بعد سردی کی شدت میں اضافہ ہوا گیس کی بندش سے عوام کو مشکلات کا سامنا کرنا پڑا لوگ گھروں میں محصور ہوکر رہ گئے بازار اور مارکیٹیں ویران رہیں ۔ عوامی حلقوں نے گیس پریشر کی بحالی کا مطالبہ کردیا۔ دوسری جانب بلوچستان کے مختلف اضلاع میں موسم سرما کی پہلی برفباری وقفے قفے سے جاری ہے، صوبائی دارالحکومت کوئٹہ میں برفباری اور بارش نے موسم سرد کر دیا۔ شہری سہانے موسم سے لطف اٹھانے گھروں سے نکل آئے سیلفیاں لیں اور تفریح کا پلان بنانے لگے وادی کوئٹہ کو سردی نے اپنی آغوش میں لیا تو حسب روایت گیس غائب اور بجلی کی آنکھ مچولی شروع ہو گئی ۔ جس نے رنگ میں بھنگ ڈال دیا۔ جمعہ کو کوئٹہ سمیت بلوچستان کے بیشتر اضلاع میں موسم سرما کی پہلی برفباری سفید روئی نما برف کے گالے زمین پر آ گرے چاغی ، چمن ، قلات، کوئٹہ،زیارت، قلعہ عبداللہ سمیت صوبے کے بیشتر اضلاع میں ہونے والی برفباری نے موسم سرد کر دیا۔ شہری سہانے موسم سے لطف اٹھانے گھروں سے نکل آئے سیفیاں لی اور تفریح کا پلان بنانے لگے وادی کوئٹہ کو سردی نے اپنی آغوش میں لیا تو حسب روایت گیس غائب اور بجلی کی آنکھ مچولی شروع ہو گئی ۔ جس نے رنگ میں بھنگ ڈال دیا محکمہ موسمیات نے آئندہ 24گھنٹوں تک بلوچستان میں بارش اور برفباری کی نوید سنا دی۔برفباری کے بعد کوئٹہ میں درجہ حرارت منفی 1  زیارت اور قلات میں درجہ حرارت منفی5 تک گر گیا۔جبکہ صوبے کے دیگر اضلاع میں بھی سردی کا راج ہے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…