اسلام آباد(این این آئی)وزیر قانون اعظم نذیر تارڑ نے کہا ہے کہ بانی پی ٹی آئی کے علاج سے متعلق عدالتی حکم کا جائزہ لیا گیا ہے اور فیصلے پر نظرثانی کے لیے سپریم کورٹ سے رجوع کریں گے۔
بانی پی ٹی آئی کے کیس کے حوالے سے عدالتی سماعت پر اہم گفتگو کرتے ہوئے انہوں نے کہا کہ عدالتی حکم نامے کے دیگر نکات پر بھی مشاورت کی گئی ہے۔وزیر قانون نے سوال اٹھایا کہ کیا سپریم کورٹ کا یہ حکم تمام قیدیوں کے لیے ہوگا؟۔
انہوں نے کہا کہ جیلوں میں بہت سے قیدی ہیں جنہیں صحت کے مسائل کا سامنا ہے، جبکہ سزا یافتہ قیدیوں کو سرکاری ہسپتالوں میں علاج کی سہولت فراہم کی جاتی ہے۔
