پشاور (این این آئی) پاک فوج کے شعبہ تعلقات عامہ آئی ایس پی آر کے سربراہ لیفٹیننٹ جنرل احمد شریف چوہدری نے کہا ہے کہ سابق ڈی جی آئی ایس آئی ریٹائرڈ جنرل فیض حمید کا کورٹ مارشل جاری ہے۔پریس کانفرنس کے دور ان انہوںنے کہاکہ فوج کا قانونی عمل منصفانہ ہے، اس پر بیانیہ بنایا جاتا ہے کہ فوج میں کسی کو سنوائی کا موقع نہیں دیا جاتا۔
(مگر) یہ فیلڈ جنرل کورٹ مارشل آپ کے سامنے ہو رہا ہے یہ خود اس بات کی گواہی ہے کہ فوج میں کسی کے خلاف قانونی کارروائی میں استغاثہ، دفاع، گواہان، جرح، شواہد کا پورا موقع دیا جاتا ہے۔انہوںنے کہاکہ ملزم کو تمام قانونی حقوق حاصل ہوتے ہیں، وہ اپنے لیے سول وکیل کر سکتے ہیں،یہ لیگل پراسس جاری ہے، یہ اپنے حتمی اور منصفانہ انجام تک پہنچے گا۔
