پشاور(این این آئی) وزیر اعلیٰ خیبرپختونخوا علی امین گنڈا پور نے اپنا استعفیٰ دستخط کر کے گورنر خیبرپختونخوا کو بھجوا دیا۔علی امین گنڈا پور نے اپنا استعفیٰ گورنر خیبرپختونخوا کو بھیج دیا ہے۔علی امین گنڈا پور نے سوشل میڈیا پر بیان جاری کرتے ہوئے کہا کہ وزیراعلیٰ کی پوزیشن عمران خان کی امانت تھی، بانی پی ٹی آئی کے حکم کے مطابق امانت ان کو واپس کرکے اپنا استعفیٰ دے رہا ہوں۔انہوں نے کہا کہ اپنے لیڈر اور بانی پی ٹی آئی کے احکامات پر آئین کے آرٹیکل 130 کے تحت استعفیٰ دے رہا ہوں۔

علی امین گنڈاپور کا کہنا تھا کہ وزیراعلیٰ بنتے وقت صوبہ مالی بحران اور دہشتگردی کا شکار تھا، اپنے دور میں صوبے کا مالی استحکام اور امن بحال کیا، ہم نے جنگ زدہ صوبے کو تعمیرِنو کی طرف گامزن کیا۔علی امین گنڈا پور نے کہاکہ ساتھ دینے پر کابینہ، اراکینِ اسمبلی اور انتظامی افسران کا شکریہ ادا کرتا ہوں۔