اسلام آباد(این این آئی)وزیراعظم ڈلیوری یونٹ کو 32 وفاقی اداروں کی عوامی کچہریوں کی پہلی سہ ماہی رپورٹ موصول ہوگئی ۔ منگل کو جاری بیان کے مطابق وزیر اعظم کی ہدایت پر 32 وفاقی اداروں

نے 955 ای کچہریاں منعقد کروائی ہیں۔رپورٹ میں وزارت تعلیم،مواصلات کے ذیلی اداروں،موٹر وے پولیس،این ایچ اے نادراکی کارکردگی کو سراہا گیا ہے جبکہ ناقص کارکردگی پر پاکستان میڈیکل کمیشن، ریلوے افسران کو کارکردگی بہتر کرنے کی تنبیہ بھی کی گئی ہے اور کارکردگی بہتر بنانے کے لئے ہدایات دی گئیں ہیں۔رپورٹ کے مطابقوفاقی اداروں کی کچہریوں میں 6911 شکایات میں سے 4842 کو حل کیا گیا۔ متعدد عوامی شکایات کومتعلقہ افسران واداروں کو حل کے لئے بھیجا گیا۔ وفاقی اداروں سے متعلق عوامی آگاہی سے متعل 10060 لوگوں کی سوالات پر رہنمائی کی گئی۔ رپورٹ کے مطابق عوامی کچہریاں فیس بْک لائیو اوربراہ راست ٹیلیفون کالز سے کی گئیں۔ اداروں کے سربراہان نے عوامی کچہریوں کا انعقاد کیا۔

موضوعات:وزیراعظم ڈلیوری یونٹ