اسلام آباد(مانیٹرنگ ڈیسک)موٹروے کیس میں مفرور ایک ملزم وقار الحسن ماڈل ٹائون تھانے میں پیش ہو گیاہے لیکن اس نے جرم ماننے سے انکار کر دیا،نجی ٹی وی کے مطابق ملزم وقار الحسن ماڈل ٹائون میں واقع سی آئی اے تھانے میں خود پیش ہو گیا ہے اور اس نے اپنے ابتدائی بیان میں جرم سے انکار کرتے ہوئے کہا میں نے کوئی جرم نہیں کیا ،کیس کے مرکزی ملزم کے

ساتھ دیگر مقدمات میں شریک ملزم رہا ہوں لیکن اس کیس سے کوئی تعلق نہیں ، میں بے گناہ ہوں اور میرا ڈی این اے ٹیسٹ ٹھیک کروایا جائے ۔ملزم وقار الحسن شیخوپورہ کے علاقے قلعہ ستار کا رہنے والا ہے۔یاد رہے کہ وزیر اعلیٰ پنجاب نے گزشتہ روز ہی واقعے میں ملوث ملزموں کی گرفتاری میں مدد دینے پر فی کس 25لاکھ روپے انعام کا اعلان کیا تھا۔

موضوعات:وقار الحسن