اسلام آباد (این این آئی)اقوام متحدہ کی جنرل اسمبلی کے نومنتخب صدر والکن بوزکر نے کہا ہے کہ مجھے اپنا دورہ پاکستان ملتوی کرنا پڑا ہے۔انہوںنے کہاکہ یہ دورہ 26 اور 27 جولائی کو ہونا تھا،اس دورے کی دعوت پاکستان کے وزیر خارجہ شاہ محمود قریشی نے دی تھی،دورے کو پرواز اور تکنیکی

مسائل کے باعث ملتوی کیا گیا۔والکن بوزکر نے اپنے ٹویٹ میں پاکستان، ترکی اور اقوام متحدہ کے پرچم بھی جاری کیے،مستقبل قریب میں پاکستان کے دورے کی امید ہے،پاکستانی انتظامیہ سے کارآمد بات چیت کی توقع ہے، یہ بات چیت جنرل اسمبلی کے 75ہویں اجلاس کی ترجیحات اور مسائل پر ہوگی۔