اسلام آباد(مانیٹرنگ ڈیسک) لیاری گینگ وار کے سرغنہ عزیر بلوچ پرجے آئی ٹی رپورٹ عدالت میں لائی جانی چاہیے،سابق سپیکر قومی اسمبلی اوروفاقی وزیر بین الصوبائی رابطہ ڈاکٹر فہمیدہ مرزا نے مطالبہ کردیا،نجی ٹی وی پروگرام میں گفتگو کرتے ہوئےان کاکہنا تھا کہ پیپلزپارٹی لیاری سے
ہمیشہ جیتتی تھی،2008ء کے الیکشن سے پہلے پیپلزپارٹی لیاری میں بہت تقسیم تھی۔بقیہ کراچی میں بھی مختلف سیاسی جماعتیں تقسیم تھیں اور ایک دوسرےسے لڑرہی تھیں۔میں نےسنا تھا کہ عزیر بلوچ بھتےلیتا ہے لیکن کیاکوئی عزیربلوچ سے بھی بھتہ لے سکتاتھا؟انہوں نے مطالبہ کیا کہ عزیر بلوچ کی جے آئی ٹی رپورٹ کو عدالت میں لایاجائے اور سوالات پوچھے جائیں، پوچھا جائے کہ عزیر بلوچ کے سرکی قیمت کیوں ختم کی گئی؟ یہ بھی پوچھا جائے عزیر سے بھتے کون لیتا تھا ؟ ان کا کہنا تھا کہ ذوالفقار مرزا نے اپنی فیملی کو خطرے میں ڈالا،ہماری فیملی نے کھویا ہے، پایا کچھ نہیں ہے،کراچی اور سندھ میں جو بھی واقعات ہوتے تھے ذوالفقار مرزا اپنی ذمہ داری سمجھتے تھے، ولی بابر تو کسی سیاسی جماعت کےنہیں تھے، ان کےلیے ذوالفقارمرزانےکیوں آوازاٹھائی؟آصف زرداری کی ہمشیرہ فریال تالپور سے متعلق فہمیدہ مرزا کا کہنا تھا کہ فریال تالپور کو کیا ضرورت پیش آئی کہ وہ عزیربلوچ کےگھر چلی گئیں؟فہمیدہ مرزا کا کہنا تھا کہ سیاست میں مجھے بینظیر بھٹو لے کر آئی تھیں،مجھے بےنظیر بھٹو نے ٹکٹ دیا اور جب مجھے سپیکرقومی اسمبلی کی پیشکش ہوئی تو میں نے اس وقت بھی انکار کیاتھا۔
