اسلام آباد(مانیٹرنگ ڈیسک) اپوزیشن کے تمام ممبران قومی اسمبلی کورونا وائرس سے صحت یاب جبکہ حکومت کے 10ارکان ابھی بھی کورونا وائرس سے متاثر ہیں۔روزنامہ جنگ میں صالح ضافر کی شائع خبر کے مطابق کورونا وائرس کا منفی ٹیسٹ آنے کے بعد قومی اسمبلی کے سابق اسپیکرایاز صادق اور پیپلز پارٹی رہنما ساجد طوری صحت یاب ہوچکے ہیں۔ جب کہ حکمران جماعت پی ٹی آئی نے
بجٹ سیشن کے اختتام پر کہا تھا کہ اس کے10ارکان کا کورونا وائرس ٹیسٹ مثبت آیا ہے۔ قومی اسمبلی کا آئندہ اجلاس 8 جولائی کو منعقد ہوگا۔ جس میں اپوزیشن کے تقریباً تمام ارکان شرکت کریں گے۔ جب کہ قومی اسمبلی کے اجلاس میں قائد حزب اختلاف شہباز شریف کی شرکت بھی متوقع ہے۔ اپوزیشن نے اجلاس میں سپیکر قومی اسمبلی اسد قیصر کے خلاف تحریک عدم اعتماد لانے کی منصوبہ بندی بھی کررکھی ہے۔
