اسلام آباد(آن لائن) جسٹس(ر) دوست محمد خان کھوسہ گھر میں آگ لگنے کے باعث جھلس گئے۔ذرائع کے مطابق جسٹس(ر) دوست محمد کھوسہ گذشتہ روز اپنے کمرے اے سی خرابی کی وجہ سے لگنے والی آگ میں جھلس گئے،جسٹس دوست محمد خان کو ہسپتال منتقل کر دیا گیا۔ ترجمان پمز انتظامیہ کے مطابق جسٹس دوست محمد خان کھوسہ کے جسم کا بائیس فی صد حصہ جل گیا۔ جسٹس دوست محمد کھوسہ کو پمز اسپتال کے برن وارڈ لایا گیا۔ ان کے گھر میں گذشتہ روز آگ لگی گئی تھی جس میں وہ جھلس گئے تھے۔جسٹس دوست محمد کھوسہ کو پمز اسپتال کے پرائیویٹ وارڈ میں رکھا گیا ہے۔