اسلام آباد (این این آئی) وزیر اعظم عمران خان نے واضح کیا ہے کہ قانون کی حکمرانی اور امن وامان کی صورتحال پر کوئی سمجھوتہ نہیں ہوگا۔ اتوار کو وزیراعظم عمران خان کی زیر صدارت اہم اجلاس ہوا جس میں مشیر خزانہ عبدالحفیظ شیخ، مشیر تجارت عبدالرزاق داؤد، وزیر مملکت برائے محصولات حماد اظہر،

گورنر اسٹیٹ بینک ڈاکٹر رضا باقر، چیئرمین ایف بی ار شبر زیدی اور دیگرمتعلقہ حکام شریک ہوئے۔وزیر اعظم عمران خان کی زیر صدارت اجلاس میں آئندہ مالی سال کے بجٹ کی تیاری کے حوالے سے فیصلے کئے گئے۔ ذرائع کے مطابق مالی سال 2019-20 کی بجٹ تجاویززیر غور آئیں۔ ذرائع نے بتایاکہ معاشی ٹیم کی جانب سے بجٹ سے متعلق مختلف تجاویز پیش کی گئیں،وزیراعظم عمران خان نے متعدد تجاویز منظور کرلیں۔ذرائع  نے بتایاکہ وزیراعظم نے معاشی ٹیم کو عوام دوست بجٹ بنانے کی ہدایت کرتے ہوئے کہا کہ کوشش کریں عام شہریوں پر ذیادہ بوجھ نہ ڈلے۔ذرائع کے مطابق وزیراعظم عمران خان سے وزیراعلیٰ پنجاب عثمان بزدار نے ملاقات کی جس میں صوبے میں امن و امان کی صورتحال کا جائزہ لیا گیا۔ زرائع کے مطابق وکلا ء احتجاج کے دوران کی حکمت عملی پر بھی تبادلہ خیال کیا گیا۔ وزیر اعظم نے کہاکہ قانون کی حکمرانی اور امن و امان کی صورتحال پر سمجھوتہ نہیں ہوگا۔ذرائع کے مطابق ملاقات میں صوبائی حکومت کی کارکردگی پر بھی بات چیت  کی گئی،پنجاب حکومت کے آئندہ بجٹ سے متعلق امور بھی زیر غور آئے۔  اتوار کو وزیراعظم عمران خان کی زیر صدارت اہم اجلاس ہوا جس میں مشیر خزانہ عبدالحفیظ شیخ، مشیر تجارت عبدالرزاق داؤد، وزیر مملکت برائے محصولات حماد اظہر، گورنر اسٹیٹ بینک ڈاکٹر رضا باقر، چیئرمین ایف بی ار شبر زیدی اور دیگرمتعلقہ حکام شریک ہوئے۔

موضوعات:عمران خان