اسلام آباد (این این آئی)آصف علی زرداری اور مولانا فضل الرحمن کی اہم ملاقات،حکومت کے خلاف تحریک چلانے پر اتفاق کرلیاگیا،دھماکہ خیز فیصلہ،پاکستان پیپلز پارٹی کے شریک چیئر مین آصف علی زرداری اور جے یو آئی کے (ف) کے رہنما مولانا فضل الرحمن نے عید کے بعد حکومت کے خلاف تحریک چلانے پر اتفاق کیا ہے ۔

ذرائع کے مطابق رہنماؤں نے موقف اختیار کیاکہ دوران رمضان عوام کے مسائل مزید بڑھ جائیں گے، عوامی غصہ تحریک کو جلا بخشے گا۔ذرائع نے بتایاکہ آصف زرداری نے تحریک کیلئے نوازشریف کو پیغام بھجوا دیا جس میں کہاگیاکہ عید کے بعد تحریک نہ چلائی تو اپوزیشن کا شیرازہ بکھر سکتا ہے۔ذرائع نے بتایا کہ ن لیگ اگر تحریک حکومت مخالف تحریک کا حصہ نہ بنی تو ن لیگ کو نقصان کا خدشہ ہے۔آصف علی زر داری نے کہاکہ عوامی تحریک کے بغیر پیپلز پارٹی بھی خود نقصان سے نہیں بچاسکے گی۔پیپلز پارٹی کے ذرائع کے مطابق حکومت کی کمزوریوں کا فائدہ اٹھانے کیلئے عید کے بعد عوامی تحریک ناگزیر ہے۔آصف علی زر داری نے موقف اختیار کیاکہ اپوزیشن نے تحریک نہ چلائی تو عوام خود سڑکوں پرآئیں گے۔آصف علی زر داری نے کہاکہ عوام سڑکوں پر نکلے تو وہ اپنی قیادت بھی خود ہی سامنے لائیں گے۔ذرائع کے مطابق مولانا فضل الرحمن اور آصف زرداری ہر صورت تحریک چلانے کے لئے پر عزم ہیں، نوازشریف کے جواب کے بعد حتمی فیصلہ کیا جائیگا۔ آصف علی زرداری اور مولانا فضل الرحمن کی اہم ملاقات،حکومت کے خلاف تحریک چلانے پر اتفاق کرلیاگیا،دھماکہ خیز فیصلہ،پاکستان پیپلز پارٹی کے شریک چیئر مین آصف علی زرداری اور جے یو آئی کے (ف) کے رہنما مولانا فضل الرحمن نے عید کے بعد حکومت کے خلاف تحریک چلانے پر اتفاق کیا ہے ۔