اسلام آباد (آن لائن) وزیراعظم کے ترجمان ندیم افضل چن نے کہا ہے کہ وزیراعظم عمران خان کو پی ٹی وی کی کارکردگی پر تشویش ہے فواد چوہدری استعفے کا علم نہیں، وزیراعظم نے تمام وزراء کو فری ہینڈ دیا ہوا ہے کسی کو وزارت سے نہیں ہٹایا جا رہا ۔ نجی ٹی وی سے گفتگو کرتے ہوئے ندیم افضل چن نے کہا ہے کہ وزارتوں کی تبدیلی وزیراعظم کا اختیار ہے فی الحال کسی کو وزارت سے نہیں ہٹایا جا رہا ، وزیراعظم نے تمام وزراء کو فری ہینڈ دے رکھاہے اور سب وزیروں کو آزادی کے ساتھ کام کرنے
کا حکم دیا ہے وزیراعظم عمران خان نے کبھی کسی وزارت میں مداخلت نہیں کی اور کوئی وزیر بھی دوسرے کی وزارت میں مداخلت نہیں کر سکتا ،انہوں نے کہا کہ میں وزیراعظم کے ساتھ راجن پور گیا ہوا تھا فواد چوہدری کے استعفے کا علم نہیں ۔ نعیم الحق نے دعویٰ کیا ہے تو انہی کو فواد چوہدری کے استعفے کا علم ہو گا۔ ندیم افضل چن نے کہا کہ وزیراعظم کو بھی پی ٹی وی کی کارکردگی پر تشویش ہے لیکن فواد چوہدری اور نعیم الحق کے درمیان اختلافات کے معاملات میڈیا پر نہیں آنے چاہئیں ۔
