اسلام آباد (مانیٹرنگ ڈیسک)علیمہ خان سپریم کورٹ میں پیشی کیلئے پہنچ گئیں ۔ان کے وکیل سلمان اکرم راجہ ہیں ۔نجی ٹی وی کے مطابق چیف جسٹس کی سربراہی میں تین رکنی بینچ بیرون ملک پاکستانیوں کی جائیدادوں سے متعلق از خود نوٹس کی سماعت کر ے گا جس میں پیش ہونے کیلئے علیمہ خان عدالت عظمیٰ پہنچ گئی ہیں ۔علیمہ خان کی سپریم کورٹ سے ایک ویڈیو سامنے آئی ہے جس میں وہ اپنے وکیل سلمان اکرم راجہ کے ہمراہ کھڑی ہیں جبکہ وہاں پر دیگر اور
لوگ بھی موجود ہیں۔ جن کے ساتھ وہ گفتگو کر رہی ہیں تاہم ویڈیو میں آواز واضح نہیں جس کے باعث یہ معلوم نہیں ہوسکا وہ کس موضوع پر مشاور ت کر رہے ہیں ۔واضح رہے کہ سلمان اکرم راجہ پاناما کیس میں نوازشریف کے وکیل بھی رہے ہیں ۔دوسری جانب وزیر اعظم کے معاون خصوصی برائے احتساب مرزا شہزاد اکبر نے کہاہے کہ اسحاق ڈار کے بیرون ملک دونئے فلیٹس کا انکشاف ہواہے وزیر اعظم عمران خان کی ہمشیرہ علیمہ خان کو کوئی چھوٹ نہیں دی جارہی ۔
