مری(مانیٹرنگ ڈیسک ) ملکہ کوہسار مری میں رواں سیزن کی پہلی برف باری کے بعد سیاحوں کو بہتر ٹریفک سہولیات دینے کے لیے ٹریفک پولیس کی اضافی نفری تعینات کر دی گئی، سیاح صرف پٹرول گاڑی پر ہی مری آئیں اور ٹو چین اپنے پاس ضرور رکھیں، روڈ کے کنارے گاڑی کھڑی کر کے سیلفیاں نہ بنائیں تاکہ ٹریفک کی روانہ متاثر نہ ہو۔چیف ٹریفک آفیسر محمد بن اشرف نے ٹریفک پولیس کو خصوصی ہدایات جاری کرتے ہوئے سیاحوں کو ٹریفک سہولیات کے ساتھ ساتھ مدد اور معاونت فراہم کرنے کی بھی ہدایات کی ہیں۔

سی ٹی او مری نے سیاحوں کے لیے ٹریفک ایڈوائزی جاری کرتے ہوئے بتایا کہ سیاح صرف پٹرول گاڑی پر ہی مری آئیں اور ٹو چین اپنے پاس ضرور رکھیں۔ٹریفک پولیس کی جانب سے سیاحوں کو ہدایات کی گئی ہیں کہ روڈ کے کنارے گاڑی کھڑی کر کے سیلفیاں نہ بنائیں تاکہ ٹریفک کی روانہ متاثر نہ ہو۔شہریوں کو ہدایت کی گئی ہے کہ گاڑی کی بیٹری اچھی حالت میں رکھیں  پٹرول کا ٹینک فل رکھیں اور غلط پارکنگ کسی صورت نہ کریں ،مدد اور رہنمائی کے لیے ٹریفک پولیس ہیلپ لائن 0519269200 پر رابطہ کریں ۔