کوالالمپور (نیوز ڈیسک) ملائشیا کے وزیراعظم اور وزیراعظم پاکستان عمران خان کے فیورٹ ڈاکٹر مہاتیر محمد بھی یوٹرن کے معاملے پر عمران خان کے ہم خیال نکل آئے۔ مہاتیر محمد کا کہنا ہے کہ غلط فیصلے پر قائم رہنے سے بہتر ہے کہ یو ٹرن لے لیا جائے۔ وزیراعظم عمران خان نے کچھ عرصہ قبل یوٹرن کے بارے بیان دیا تھا، جس پر وزیراعظم عمران خان کو شدید تنقید کا نشانہ بنایا گیا، نہ صرف اپوزیشن رہنماؤں نے
ان پر تنقید کی بلکہ میڈیا میں بھی یوٹرن پر تنقید کی گئی۔ وزیراعظم عمران خان نے یوٹرن کے سوال پر کہا تھا کہ نوازشریف نے عدالت میں یوٹرن نہیں لیا بلکہ جھوٹ بولا، اس کے علاوہ انہوں نے کہا تھا کہ نپولین اور ہٹلر نے یوٹرن نہ لے کرتاریخی شکست کھائی، مزید کہا تھا کہ حالات کے مطابق یوٹرن نہ لینے والا کبھی اچھا لیڈر نہیں بن سکتا، جو یوٹرن لینا نہ جانتا ہوں اس سے بڑا بے وقوف کوئی نہیں ہے۔
