راولپنڈی(آئی این پی ) ملک بھر میں آپریشن ردالفساد کامیابی سے جاری ، ڈیرہ غازی خان میں سیکیورٹی فورسز کیساتھ فائرنگ کے تبادلے میں ایک دہشتگرد ہلاک اور دوسرا زخمی ہوگیا۔جمعرات کو پاک فوج شعبہ تعلقات عامہ (آئی ایس پی آر) کے مطابق ڈیرہ غازی خان کے سرحدی علاقے میں سیکیورٹی فورسز اور دہشت گردوں کے درمیان فائرنگ
کا تبادلہ ہوا جس کے نتیجے میں ایک دہشت گرد ہلاک اور دوسرا زخمی ہوگیا۔ آئی ایس پی آر کے مطابق فائرنگ کا تبادلہ اس وقت ہوا جب دہشتگردوں نے پاکستان رینجرز پنجاب کی گشت کرنے والی معائنہ ٹیم پر فائر کھول دیا ۔آئی ایس پی آر کے مطابق اس دوران دو اہلکار بھی زخمی ہوگئے جن میں کرنل ایوب اور سپاہی ریحان شامل ہیں۔
