اسلام آباد،لاہور(سی پی پی،این این آئی)نیاپاکستان ہاؤسنگ سکیم کے رجسٹریشن فارم نادراویب سائٹ پرجاری ہوتے ہی نادراکی ویب سائٹ کریش کرگئی ۔وزیراعظم عمران خان کی جانب سے اعلان کے بعد نیاپاکستان ہاؤسنگ سکیم کے رجسٹریشن فارم نادراویب سائٹ پرجاری کر دیئے گئے اور فارم جاری ہوتے ہی نادراکی ویب سائٹ کریش کرگئی تاہم نادراکی ویب سائٹ کریش ہونے کی وجہ تاحال سامنے نہ آسکی جبکہ ترجمان نادرانے بھی ویب سائٹ بندش سے لاعلمی کا اظہارکیا ہے ۔دوسری جانب پنجاب حکومت نے نیا پاکستان ہاؤسنگ منصوبے پر عملدرآمد کیلئے کل لاہور میں اجلاس طلب کر لیا ۔ بتایا گیا ہے کہ وزیراعظم

عمران خان نے نیا پاکستان ہاؤسنگ منصوبے کیلئے بلا تاخیر اقدامات شر وع کرنے کی ہدایت کی جس پر پنجاب حکومت نے منصوبے پر فوری اقدامات شروع کرنے کا فیصلہ کیا ہے۔ اس حوالے سے پنجاب حکومت نے کل لاہور میں اجلاس طلب کرلیا۔پنجاب میں پائلٹ پراجیکٹ کے لئے فیصل آباد شہر کا انتخاب کیا گیا ہے۔