اسلام آباد(مانیٹرنگ ڈیسک) تحریک انصاف کی جانب سے گزشتہ رات مینارپاکستان پر سیاسی طاقت کا بھرپور مظاہرہ دیکھنے میں سامنے آیا، اس جلسے میں  عمران خان نے نیا پاکستان کے لیے 11 نکاتی ایجنڈا پیش کیا جسے شرکا کی جانب سے خوب پسند کیا گیا ۔ سوشل میڈیا پر جہاں گذشتہ رات کے جلسے کی تصاویر گردش کر رہی ہیں وہی کپتان کی اپنی ہینڈ رائٹنگ سے لکھے 11 نکات کی تصویر بھی وائرل ہو رہی ہے۔

اس تصویر میں پی ٹی آئی چئیرمین عمران خان کی لکھائی میں تحریر کیے گئے 11 نکات موجود ہیں۔واضح  رہے کہ عمران خان کے 11 نکاتی ایجنڈے میں تعلیم وصحت، انصاف، احتساب اورپولیس کا نظام، قرض اتارنا، سرمایہ کاری وروزگار،سیاحت کوفروغ، زرعی وماحولیاتی شعبےکوترقی ، وفاق کومضبوط اورجنوبی پنجاب کوانتظامی بنیادوں پرصوبہ کا درجہ ، فاٹا کوکےپی میں ضم کرنا اور خواتین کو بااختیار بنانا شامل ہے۔