فیصل آباد (این این آئی)وزیر قانون پنجاب رانا ثناء اللہ نے بشریٰ بی بی کوشادی کا پیغام بھیجنے کے عمران خان کے اقدام کو ہدفِ تنقید بناتے ہوئے کہا ہے کہ روحانی شخصیت سے دعا لینے گئے تھے تو وہاں آنکھیں نیچے کرکے بیٹھتے۔تقریب سے خطاب میں رانا ثناء نے کہا کہ روحانی شخصیت سے دعا لینے گئے تھے تو وہاں آنکھیں نیچے کرکے بیٹھتے۔رانا ثناء اللہ نے کہا کہ عوام دیکھیں کہ یہ کیسے صادق اور امین ہیں ٗایسا آدمی پاکستان کاوزیراعظم بنناچاہتاہے ٗکہہ رہے ہیں
شادی نہیں کی بلکہ شادی کیلئے کہا ہے ٗایسے شخص کو گھر میں داخل نہیں ہونے دیا جانا چاہیے ٗایسے شخص کو تو کوئی چوکیدار بھی نہیں رکھ سکتا۔رانا ثناء اللہ نے کہا کہ عمران خان کے پاس شرم نہیں ہے، وہ 2 سال پہلے روحانی خاتون سے دعا لینے گئے تھے، 2 سال میں دیکھیں کیا کرتوت دکھائے ہیں، بے شرم نے روحانی خاتون کا گھر اجاڑا، اس خاتون کے پانچ بچے ہیں اور اس خاتون نے خاوند سے طلاق لے لی ٗایسے شخص کو اپنے گھر میں ہی گھسنے نہیں دینا چاہئے تھا۔
