لاہور (مانیٹرنگ ڈیسک) سابق وزیراعظم و مسلم لیگ (ن) کے صدر محمد نواز شریف سے وزیراعلی پنجاب محمد شہباز شریف نے جاتی امرا ء رائے ونڈ میں ون آن ون ملاقات کی ۔ذرائع کے مطابق وزیراعلی شہباز شریف ہیلی کاپٹر کے ذریعے جاتی امرا پہنچے جہاں انہوں نے پارٹی کے صدر اور بڑے بھائی نواز شریف سے ملاقات کر کے مجموعی سیاسی صورتحال ،آج پنجاب ہاؤس اسلام آباد میں
ہونے والے پارٹی کی نئی ایگزیکٹو کمیٹی کے اجلاس اور دیگر امور پر تبادلہ خیال کیا ۔ ذرائع کے مطابق نواز شریف نے حلقہ بندیوں سے متعلق بل کی سینیٹ سے منظوری کیلئے دیگر سیاسی جماعتوں سے رابطے تیز کرنے کی ہدایت کردی ہے۔اس سلسلہ میں چیئرمین سینیٹ میاں رضاربانی، قائد حزب اختلاف سید خورشید شاہ سمیت دیگر جماعتوں کے رہنماؤں کو اعتماد میں لینے کا فیصلہ کیا گیا ہے۔
