جمعہ‬‮ ، 25 اپریل‬‮ 2025 

رانا ثناء اللہ بری طرح پھنس گئے !پنجاب حکومت بھی اٹھ کھڑی ہوئی ،اپنے ہی وزیر سے بڑا مطالبہ کر ڈالا

datetime 29  ‬‮نومبر‬‮  2017
ہمارا واٹس ایپ چینل جوائن کریں

اسلام آباد ،لاہور(آن لائن) ترجمان پنجاب حکومت ملک احمد خان نے کہا ہے کہ رانا ثناء اللہ پیر خواجہ حمید الدین سیالوی کے پاس جاکر وضاحت پیش کریں۔ منگل کے روز نجی ٹی وی سے گفتگو کرتے ہوئے ترجمان پنجاب حکومت ملک احمد خان نے کہا کہ وزیر قانون رانا ثناء اللہ راسخ العقیدہ اور ختم نبوت پر یقین رکھنے والے مسلمان ہیں، زعیم قادری کی پیر خواجہ حمید الدین سیالوی سے میٹنگ بہت اچھی ہوئی، رانا ثناء اللہ پیر صاحب کے پاس

جاکر وضاحت پیش کریں۔دریں اثنالاہور میں مال روڈ پر احتجاج جاری، رانا ثناء اللہ کو ہٹانے کا مطالبہ کر دیا گیا۔اسلام آباد میں 22 روزہ احتجاج تو اپنے اختتام کو پہنچ گیا ہے لیکن لاہور میں مذہبی جماعتوں کا احتجاج اب بھی جاری ہے۔ مظاہرین نے فیض آباد معاہدے پر تحفظات کا اظہار کرتے ہوئے دھرنا جاری رکھنے کا اعلان کر دیا ہے۔تحریک لبیک یا رسول اللہ کے چیئرمین اشرف آصف جلالی نے فیض آباد معاہدے پر شدید تحفظات کا اظہار کرتے ہوئے مال روڈ دھرنا جاری رکھنے کا اعلان کر دیا ہے۔ ان کا کہنا ہے کہ جب تک ہمارے مطالبات تسلیم نہیں کیے جاتے ہمارا احتجاج جاری رہے گا۔ اشرف آصف جلالی نے حکومت کے سامنے اپنے مطالبات رکھتے ہوئے کہا کہ وزیرِ قانون پنجاب رانا ثناء اللہ فوری طور پر مستعفی ہوں، شہدا کے خون کی ایف آئی آر فوری درج کی جائے، ختمِ نبوت کے حلف نامے میں ترمیم کے تمام ذمہ داروں کے نام ظاہر کئے جائیں، راجہ ظفر الحق رپورٹ پبلک کی جائے اور ہم سے جو وعدے ہو چکے ہیں ان پر عمل کیا جائے۔ تحریک لبیک یا رسول اللہ کے چیئرمین اشرف آصف جلالی کا کہنا تھا کہ جسٹس صدیقی کی تنقید بلا جواز ہے، فیض آباد دھرنے کے معاملے میں فوج کا کردار قابل تحسین ہے۔خیال رہے کہ تحریک لبیک یا رسول اور تحریک صراط مستقیم کے 4 روز سے جاری دھرنے کی وجہ سے لاہور کے شہریوں کو شدید مشکلات کا سامنا ہے۔ دھرنے کی وجہ سے شہر کی مصروف سڑکوں پر ٹریفک جام ہے جبکہ کارروباری سرگرمیاں بھی معطل ہو کر رہ گئی ہیں۔ دھرنے کی وجہ سے مال روڈ پر تمام تجارتی مراکز اور کاروباری مارکیٹیں بند ہیں جبکہ مال روڈ اور اس سے ملحقہ سڑکوں پر ٹریفک نہ ہونے کے برابر ہے۔

موضوعات:



کالم



پانی‘ پانی اور پانی


انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…