اسلام آباد (این این آئی)وزیراعظم شاہد خاقان عباسی اور وزیراعلیٰ پنجاب شہبازشریف کے درمیان ون آن ون ملاقات ہوئی جس میں اسلام آباد دھرنا کیخلاف آپریشن سے پیدا ہونے والی صورتحال پر تبادلہ خیال کیا گیا۔ نجی ٹی وی کے مطابق وزیر اعظم شاہد خاقان عباسی اور وزیر اعلیٰ پنجاب میاں شہباز شریف کے درمیان ون آن ون ملاقات ہوئی ۔جس میں اسلام آباد دھرنا کیخلاف آپریشن سے پیدا ہونے والی صورتحال پر تبادلہ خیال کیا گیا۔ادھرتحریک انصاف
کے سیکرٹری جنرل جہانگیر ترین نے وزیر داخلہ احسن اقبال سے فوری استعفے کا مطالبہ کردیا۔ ایک بیان میں جہانگیر ترین نے کہاکہ وفاقی وزیر احسن اقبال نے فیض آباد دھرنے کو ابتداء سے ہی مس ہینڈل کیا۔ وزیرداخلہ کی ناکامی کے باعث حکومت کو دارالحکومت میں فوج طلب کرنا پڑی۔جہانگیر ترین نے کہا کہ احسن اقبال معاملے کے حل کی بجائے بطور وزیرداخلہ کھوکھلے دعوے کرتے رہے۔ ضروری ہے کہ وہ فوری طور پر خود کو وزارت سے الگ کریں۔
