اسلام آباد (مانیٹرنگ ڈیسک) وزیراعظم شاہد خاقان عباسی نے کہا ہے کہ شہباز شریف سے پوچھنا پڑے گا کہ وہ مشیر کون سے ہیں جنہوں نے غلط مشورے دیے، تفصیلات کے مطابق سینئر صحافی و تجزیہ نگار جاوید چودھری نے ایک نجی ٹی وی چینل کے پروگرام میں وزیراعظم شاہد خاقان عباسی سے کہا کہ وزیراعلیٰ پنجاب میاں شہباز شریف نے مسلم لیگ کی جنرل کونسل کے

اجلاس کے دوران سابق وزیراعظم میاں محمد نوازشریف کو مخاطب کرتے ہوئے کہا تھا کہ گاڑی اور عہدے سے تعلق رکھنے والے ایک دو مشیروں نے آپ کو غلط مشورے دیے۔ وزیراعلیٰ پنجاب شہبازشریف کے اس بیان پر وزیراعظم شاہد خاقان عباسی نے جواب دیتے ہوئے کہا کہ وزیراعلیٰ پنجاب شہبازشریف سے اس بارے میں پوچھنا پڑے گا کہ انہوں نے کن مشیروں کے بارے میں بات کی ہے وزیراعظم شاہد خاقان عباسی نے کہا کہ چار مشیروں کو بلا کر پوچھ چکے ہیں مگر ان کا کہناہے کہ ہم نے کوئی مشورہ نہیں دیا۔ وزیراعظم شاہد خاقان عباسی نے پروگرام میں خصوصی گفتگو کرتے ہوئے کہاکہ وزیر خزانہ اسحاق ڈار پر مقدمے کی کوئی حقیقت نہیں ہے میں ان کی مکمل حمایت کروں گا، انہوں نے کہا کہ 2018 تک اسحاق ڈار وزیر خزانہ ہی رہیں گے۔ وزیراعظم شاہد خاقان عباسی نے کہا کہ رینجرز کی تعیناتی کے معاملے کی تہہ تک پہنچنا ضروری ہے، اس بارے میں جج اور کمانڈوز سے کچھ معلوم نہیں ہو سکا ہے، رینجر کے بریگیڈئر آصف سمیت سب سے پوچھنا پڑے گا، وزیراعظم شاہد خاقان عباسی نے کہا کہ احسن اقبال کے ریاست بارے بیان پر کہا کہ انہوں نے حالات کے مطابق بیان دیا تھا۔

موضوعات:شاہد خاقان عباسی