اسلام آباد (آن لائن) پاکستان تحریک انصاف کے چیئرمین عمران خان کے عالمی سطح پر کرکٹ کی شہرت کے بعد سیاسی میدان میں پوری دنیا میں شہرت کے جھنڈے گارڈ دیئے ۔ امریکہ ‘ انگلینڈ ‘ کینیڈا ‘ آسٹریلیا سمیت ایشیائی ممالک میں کرپشن کے خلاف تحریک کی کامیابی کو سراہا گیا ۔
تفصیلات کے مطابق کرکٹ کے میدان میں عالمی شہرت یافتہ کپتان عمران خان نے پاکستانی سیاسی میں بھونچال پیدا کر کے کرپشن کے خلاف تحریک میں بڑی کامیابی حاصل کر کے پوری دنیا کی نظر میں اپنی طرف مبذول کر دی ہےپاکستان تحریک انصاف کے چیئرمین عمران خان پر مختلف سیاسی جماعتوں کی طرف سے 2013 کے الیکشن کے بعد مسلسل یہ تنقید ہوتی رہی کہ وہ سیاست کے میدان میں اناڑی ہیں وہ کرکٹ کے کھلاڑی ہیں لیکن پانامہ لیکس کے بعد عمران خان نے پارلیمنٹ سے لے کر سپریم کورٹ تک کا سفر ایک منجھے ہوئے سیاستدان کی طرف طے کیا اور پانامہ کیس میں وزیر اعظم کی نااہلی پر پوری دنیا مین ان کے کرپشن کے خلاف تحریک کی کامیابی کو سراہا گیا جبکہ غیر ملکوں میں مقیم پاکستانیوں نے اس حوالے سے مختلف رائے کا اظہار سوشل میڈیا کے ذریعے کیا جس میں اکثریت نے عمران خان کو پاکستان میں تبدیلی کا نشانہ قرار دے دیا ہے ۔
