اسلام آباد(مانیٹرنگ ڈیسک) مشرف سے قریبی تعلق، چوہدری نثار کے اعتراف نے سب کو حیران کر دیا، تفصیلات کے مطابق وزیر داخلہ چوہدری نثار نے اپنی پریس کانفرنس میں فوج کے متعلق بات کرتے ہوئے کہا کہ میرا خاندانی پس منظر فوجی ہے جس پر مجھے فخر ہے، میرے دادا، والد، بھائی ، میرے بہنوئی، کزنز اور بھتیجے آرمی میں ہیں، میں ایک سیاست دان ہوں اور جمہوریت پر یقین رکھتا ہوں،
اور میں نہ سویلین اتھارٹی پر کبھی سمجھوتہ نہیں کیا، 1985 سے فوج سے قربت کے الزامات لگ رہے ہیں، میں نے کبھی کسی فوجی جرنیل کے سامنے اپنی لیڈر شپ کے متعلق کوئی بات کی ہو تو میں اس کا ذمہ دار ہوں، میرے جنرل پاشا سے اچھے تعلقات تھے لیکن اس کے باوجود سیاست میں مداخلت پر میں نے ان کی مخالفت کی۔ چوہدری نثار علی خان نے مزید کہا کہ پارٹی قیادت کے سامنے مجھ پر سنگین الزامات لگائے گئے مگر اس کے باوجود مجھ سے کبھی وضاحت نہیں مانگی گئی، اور میں نے کبھی کسی کابینہ کے رکن کے متعلق شکایت نہیں کی، انہوں نے کہا کہ میں نے کبھی سازش نہیں کی یہ میرے خون میں شامل ہی نہیں، چوہدری نثار علی خان نے کہا کہ جب پرویز مشرف کرنل تھے میں ان کو اس وقت سے جانتا ہوں، مگر میں نے اس کی مخالفت دشمنی کی حد تک کی، مگر پھر بھی سازش کرنے کی باتیں مجھ سے منسوب کرنا حیران کن ہے، انہوں نے مزید کہا کہ عزت کردار سے ہوتی ہے عہدوں سے ہرگز نہیں۔
