اسلام آباد (مانیٹرنگ ڈیسک) ن لیگ میں کتنے گروپ؟ 40 ایم این اے کیا کرنیوالے ہیں؟ تفصیلات کے مطابق سینئر سیاسی رہنما شیخ رشید احمد کا کہنا ہے کہ مسلم لیگ (ن) میں تین گروپ بننے کا امکان ہے، انہوں نے کہا کہ وزیراعظم نواز شریف نے فیصلہ کر لیا ہے کہ وہ نیا وزیراعظم لائیں گے، مزید کہا کہ 40 ایم این اے جو مشرف لیگ سے مسلم لیگ (ن) میں آئے تھے وہ جلد فیصلہ کریں گے،
شیخ رشید نے میڈیا سے مزید بات چیت کرتے ہوئے کہا کہ پاناما کے حوالے سے سپریم کورٹ کا ہر فیصلہ مانیں گے، فیصلے کی رات بیٹھ کر قوم کوخوشخبری سنائیں گے، نواز شریف لوگوں کی جاتی امرا والی زمین بھی ہندو پراپرٹی نکلے گی، ان کاکہنا تھاچودھری نثار سے جان بوجھ کر کوئی رابطہ نہیں کیا انہوں نے مزید کہا کہ مجھے یقین ہے کہ عمران خان کو کچھ نہیں ہو گا۔
