اسلام آباد (مانیٹرنگ ڈیسک) پاک فوج چھا گئی، وہ کر دکھایا جو کوئی اور نہیں کر سکتا، برطانوی عسکری تھنک ٹینک کے حیرت انگیز انکشافات، تفصیلات کے مطابق آرمی چیف جنرل قمر جاوید باجوہ نے اپنا عہدہ سنبھالنے کے بعد زبانی باتوں کے بجائے عملی اقدامات کے ذریعے پاک فوج کی دفاعی سفارت کاری کو نئے راستوں پر گامزن کر دیاہے، اس بات کا اعتراف برطانوی عسکری تھنک ٹینک رائل یونائیٹڈ سروسز انسٹی ٹیوٹ
نے ان الفاظ میں کیا ہے خلیج اور افغانستان میں استحکام کے لیے پاک فوج کی دفاعی سفارت کاری تمام غلط فہمیوں کا ازالہ کر رہی ہے، آرمی چیف سعودی عرب، یو اے ای اور قطر کا دورہ کر چکے ہیں جبکہ اگلے مرحلے میں وہ تہران کا دورہ بھی کریں گے۔ آر یو ایس آئی نے مزید کہا کہ جنرل باجوہ نے نہ صرف خلیجی ممالک اور ایران سے اپنے تعلقات مستحکم کیے ہیں بلکہ افغانستان کے اندرونی حالات کو بھی امریکیوں کے سامنے کھول کر رکھ دیا ہے۔ پاکستان آرمی چیف جنرل قمر جاوید باجوہ نے امریکہ پر واشگاف کیا کہ امریکہ اور افغانستان چاہے اس کو پسند کریں یا نہ کریں حقیقت یہ ہے کہ حقانی نیٹ ورک افغانستان میں ایک قانونی کردار کی حیثیت رکھتا ہے۔ رائل یونائیٹڈ سروسز انسٹی ٹیوٹ کا کہنا ہے کہ خلیجی ممالک اور ایران کے ساتھ متوازی تعلقات پاک فوج کی کامیاب پالیسی کو ظاہر کرتا ہے۔
