اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی حامد میر نے کہا ہے کہ عمران خان کو دس ارب روپے کی پیشکش کے حوالے سے میں نے عمران خان سے بات کی ہے۔ عمران خان نے مجھے کہا ہے کہ وہ اپنے بیان پر قائم ہیں، جب میں نے انہیں کہا کہ مجھے تفصیل بتائیں تو انہوں نے کہا کہ میرا لاہور میں ایک بڑا بزنس مین دوست ہے اس سے رابطہ کیا گیا تھا۔ اور اس سے رابطہ کرنے والا شخص حمزہ شہباز شریف کا دوست تھا، یعنی حمزہ شہباز کے دوست
نے میرے بزنس مین دوست سے رابطہ کیا ، ان کا آپس میں دبئی میں رابطہ ہوا تھا۔ اس رابطے میں یہ آفر کی گئی کہ آپ عمران خان سے ڈیل کروا دیں، اگر آپ عمران خان سے ڈیل کروا دیں گے تو دو ارب روپے کمیشن آپ کو بھی ملے گا جبکہ عمران خان کو دس ارب روپے دیا جائے گا۔ حامد میر نے کہا کہ میں نے عمران خان سے اس بزنس مین کا نام لینے کا کہا تو عمران نے جواب دیا کہ وہ بزنس مین ہے اور شریف حکومت اس کا بزنس تباہ و برباد کر دے گی۔ لیکن میں اپنے بیان پر قائم ہوں۔
