اسلام آباد(مانیٹرنگ ڈیسک)سعودی عرب نے پاکستان کے سابق آرمی چیف جنرل (ر)راحیل شریف کو اہلیہ اور بچوں سمیت سعودی عرب کا تین سال کا ملٹی پل ویزا جاری کر دیا ۔تفصیلات کے مطابق سعودی عرب نے جنرل راحیل شریف کو اہلیہ اور بچوں سمیت سعودی عرب کا تین سال کا ملٹی پل ویزہ جاری کر دیا ہے۔میڈیا رپورٹس کے مطابق دعویٰ کیا جا رہا ہے کہ یہ غیر معمولی پیشرفت اس بار کا اشارہ دیتی ہے کہ جنرل راحیل شریف اسلامی فوجی اتحاد(آئی ایم اے)کی کمان سنبھالنے کی پیش کش قبول کر چکے ہیں
اورچارج سنبھال لیا ہے۔واضح رہے کہ یہ اسلامی فوجی اتحاد15دسمبر 2015کو سعودی وزیر دفاع اور دوسرے ولی عہد شہزادہ محمد بن سلمان السعود نے قائم کیا تھا۔ جس میں شامل ممالک کی تعداد 34سےبڑھ کر 41ممالک تک جا پہنچی ہےجبکہ سعودی حکومت جنرل راحیل شریف کے اس اتحاد کی کمان سنبھالنے کے حوالے پاکستان سے باضابطہ درخواست کر چکی ہےاور پاکستان کی جانب سے باضابطہ درخواست کا مثبت میں جواب آنے کی صورت میں جنرل راحیل شریف اس اتحاد کے بانی کمانڈر انچیف ہونگے۔
