چارسدہ (مانیٹرنگ ڈیسک)تازہ ترین میڈیا رپورٹس کے مطابق چار سدہ خود کش بم دھماکے میں شہدا کی تعداد7ہو گئی ہے جبکہ درجنوں افراد زخمی ہیں اور مزید ہلاکتوں کا خدشہ ظاہر کیا جا رہاہے ۔ واضح رہے کہ خیبر پختونخواہ کے علاقے چارسدہ میں دو دھماکے سنے گئے ہیں جن کے باعث متعدد افراد زخمی ہو گئے ہیں ۔ تفصیل کے مطابق چار سدہ میں

ضلع کچہر ی کے قریب دو دھماکے ہو گئے جن کی وجہ سے متعدد افراد زخمی ہوئے ہیں ۔ نجی ٹی وی رپورٹ کے مطابق ابتدائی طور پر تین خود کش بمباروں کی اطلاع ملی تھی کہ وہ کچہری میں داخل ہونا چاہتے تھے۔ ان تین میں سے دو خود کش بمبار خود کو اڑاچکے ہیں جس کے نتیجے میں متعدد افراد زخمی ہو گئے ہیں تاہم جاں بحق افراد کی تعداد کے بارے میں ابھی تک کچھ نہیں بتایا جا رہا ۔ ڈی پی او چار سدہ کے مطابق 3 خود کش حملہ آوروںکو ہلاک کیا جا چکا ہے جبکہ علاقے کو گھیرے میں لے کر سرچ آپریشن شروع کر دیاگیا ہے ۔