کراچی(نیوزایجنسیاں ،مانیٹرنگ ڈیسک) سندھ حکومت نے کراچی کو سمارٹ سٹی بنانے کی منظوری دیدی گئی ہے۔ دہشت گردوں کیخلاف پورے صوبے میں ٹارگٹڈ آپریشن کیا جائے گا، سندھ میں غیر قانونی طور پر مقیم افغانیوں کو فوری بے دخل کرنے کا بھی فیصلہ کرلیا گیا۔تفصیلات کے مطابق سابق صدر آصف زرادری کی زیر صدارت وزیراعلیٰ ہاؤس میں امن وامان سے متعلق اجلاس ہوا جس میں وزیراعلی سندھ مراد علی شاہ کے

علاوہ چیف سیکریٹری سندھ، آئی جی پولیس سندھ اور وزیر صحت سندھ نے شرکت کی جبکہ سابق معاون خصوصی مذہبی امور قیوم سومرو بھی اجلاس میں موجود تھے۔اس اجلاس میں  دہشت گردی سے نمٹنے اور امن و امان کی صورتحال یقینی بنانے کیلئے اہم فیصلے کئے گئے۔اجلاس میں کراچی سے غیر قانونی مقیم افغانیوں کو فوری بے دخل کرنے کی منظوری دی دی گئی جبکہ پورے صوبے میں دہشت گردوں اور جرائم پیشہ افراد کیخلاف ٹارگٹڈ آپریشن بھی کیا جائے گا۔ آصف علی زرداری نے وزیراعلیٰ سندھ مراد علی شاہ کو سمارٹ سٹی پروجیکٹ کے آغاز کی ہدایت کرتے ہوئے کہا کہ شہر قائد میں 8 میگا پکسلز کے کیمرے لگائے جائیں۔اجلاس میں کراچی سے غیر قانونی مقیم افغانیوں کو فوری بے دخل کرنے کی منظوری دی دی گئی جبکہ پورے صوبے میں دہشت گردوں اور جرائم پیشہ افراد کیخلاف ٹارگٹڈ آپریشن بھی کیا جائے گا۔ آصف علی زرداری نے وزیراعلیٰ سندھ مراد علی شاہ کو سمارٹ سٹی پروجیکٹ کے آغاز کی ہدایت کرتے ہوئے کہا کہ شہر قائد میں 8 میگا پکسلز کے کیمرے لگائے جائیں۔انہوں نے وزیراعلی سندھ کوہدایات جاری کیں کہ سٹیٹ آف آرٹ کنٹرول روم بھی بنائیں اور پولیس کے نظام میں بھی مزید بہتری لائی جائے ۔