اسلام آباد(مانیٹرنگ ڈیسک) نجی ٹی وی کے پروگرام میں گفتگو کرتے ہوئے سینئر اینکر پرسن ڈاکٹر شاہد مسعود نے کہا ہے کہ میری ایم کیو ایم کے تین اندرونی لوگوں سے بات ہوئی۔ یہ لوگ اراکین پارلیمنٹ بھی ہیں۔ میں نے ان سے پوچھا کہ آپ لوگوں کا آگے کیا پلان ہے؟ ڈاکٹر شاہد مسعود نے کہا کہ مجھے ان تین اہم ترین شخصیات جو ایم کیو ایم کی جانب سے اراکین پارلیمنٹ بھی ہیں انہوں نے کہا کہ
ڈاکٹر صاحب بس ذرا بجٹ آ جائے ۔ جیسے ہی ہمیں بجٹ مل جائے گا تو ہم استعفیٰ دینے کا سوچ رہے ہیں۔ ڈاکٹر شاہد مسعود نے کہا کہ ایم کیو ایم تقریباََ پوری ختم ہونے والی ہے اور بہت سے لوگ پیپلز پارٹی جوائن کرنے کا سوچ رہے ہیں۔ باقی جو لوگ بچیں گے وہ پاک سرزمین پارٹی میں شمولیت کا سوچ رہے ہیں۔ میں نے جو خبر دینی تھی دیدی۔اب کوئی اس کی تردید کرتا ہے تو کرتا رہے۔ یہ کام مستقبل میں ہونا ہے۔ میں کسی ذرائع کا نام نہیں لوں گا۔ ایم کیو ایم کے رہنمائوں نے یہ بھی کہا ہے کہ ہم اسی لئے آج کل پاک سرزمین پارٹی کیخلاف کوئی بات بھی نہیں کر رہےکیونکہ ان سے ہمارے معا ملات چل رہے ہیں۔
