اسلام آباد(مانیٹرنگ ڈیسک) پاکستان تحریک انصاف کے مرکزی رہنماء نعیم الحق کی آف دی ریکارڈ وڈیو گفتگو لیک ہو گئی۔ تفصیل کے مطابق سوشل میڈیا پر جاری وڈیو میں تحریک انصاف کے مرکزی رہنماء نعیم الحق ایک صحافی سے گفتگو میں کہہ رہے ہیں کہ عامر لیاقت کو پاکستان تحریک انصاف میں لانا چاہئے کہ نہیں، وہ کیسا آدمی ہے؟ نعیم الحق کے سوال کے جواب میں صحافی کا کہنا تھا کہ نہیں ، عامر لیاقت کے ماضی کے کلپس چلتے رہیں گے اور وہ مسئلہ بنیں گے۔ نعی
م الحق نے گفتگو میں کہا کہ عامر لیاقت کے ساتھ ساتھ نبیل گبول بھی پاکستان تحریک انصاف میں آنا چاہتے ہیں۔ جس پر صحافی نے جواب دیا کہ ہاں ، نبیل گبول ٹھیک ہیں۔ نعیم الحق جب مزید گفتگو کرنے لگے تو انہیں یہ بتایا گیا کہ مائیک آن ہے اور وہ پریشان ہو گئے۔ نعیم الحق نے کہا کہ مائیک آن ہے ، آپ لوگ کیا کرتے ہو یار۔

موضوعات:عامر لیاقت نبیل گبول نعیم الحق