اسلام آباد(ایکسکلوژو رپورٹ) نجی ٹی وی پروگرام میں سینئر تجزیہ نگار و صحافی حامد میر نے اہم انکشافات کر دیئے۔ تفصیل کے مطابق نجی ٹی وی پروگرام میں گفتگو کرتے ہوئے سینئر تجزیہ نگار نے انکشاف کیا کہ عمران خان کے دھرنے میں اس بار جو لوگ آنا چاہتے ہیں انہوں نے مجھے بتایا ہے کہ وہ ضرور جائیں گے اور فی سبیل اللہ جائیں گے۔ حامد میر نے کہا کہ میں تو یہی کہوں گا کہ مجھے کسی کی نیت پر شک نہیں کرنا چاہئے ، وہ لوگ کہتے ہیں کہ ہم انسانیت کی فلاح کیلئے کام کرنے والے لوگ ہیں۔ حامد میر نے کہا کہ کہ این جی اوز، غیر سرکاری تنظیمیں بڑی تعداد میں عمران خان کے اس دھرنے میں شریک ہوں گے اور یہ تاریخی موقع ہوگا۔ حامد میر نے انکشاف کیا کہ اس بار یہ لوگ عمران خان کی آنکھ کے ایک اشارے پر سب کچھ کر گزرنے کیلئے تیار ہوں گے۔ حامد میر نے کہا کہ بہت سے لوگ اس طرح کے دھرنوں میں آتے ہیں اور آکر چلے جاتے ہیں لیکن اس بار یہ لوگ جب آکر بیٹھ جائیں گے تو واپس نہیں جائیں گے۔یہ لوگ تین تین، چار چار دن تک بغیر کھائے پئے بھی وہاں پر بیٹھے رہیں گے۔ حامد میر نے کہا کہ عمران خان کی اصل طاقت یہی لوگ ہوں گے۔ عمران خان کو ان سے کچھ لینا بھی نہیں ہے اور وہ تو ان لوگوں کیلئے ہی کام کر رہے ہیں۔