اسلام آباد (مانیٹرنگ ڈیسک) وزیر اعظم نواز شریف نے وفاقی کابینہ کا ہنگامی اجلاس آج جمعہ طلب کر لیا۔ تفصیلات کے مطابق وزیر اعظم نواز شریف نے بھارتی افواج کی لائن آف کنٹرول پر جارحیت کے باعث پاک فوج کے دو فوجی نوجوانوں کی شہادت اور پاک بھارت میں پیدا ہونے والی کشیدہ صورت حال پر وفاقی کابینہ کا اجلاس آج بروز جمعہ اسلام آباد میں طلب کر لیا ہے اجلاس میں وزیر اعظم اقوام متحدہ میں جنرل اسمبلی کے اجلاس میں کی جانے والی تقریر وار بیرونی دورے میں دیگر قائدین سے ہونے والی ملاقاتوں کے متعلق وفاقی کابینہ کو آگاہ کریں گے۔دوسری جانب بھارت نے بھی پاکستان کے ساتھ جنگ پر سنجیدگی سے غور کرنا شروع کر دیا ہے۔ بھارتی اخبار ٹائمز آف انڈیا کی رپورٹ کے مطابق مودی حکومت نے پاکستان پر سرجیکل سٹرائکس بارے آل پارٹیز اجلاس طلب کر لیا ہے۔ بھارتی وزیر داخلہ راج ناتھ سنگھ نے پاک بھارت کشیدگی بارے اجلاس آج شام 4 بجے طلب کیا ہے۔
If our army has taken a decision, the whole nation will support them: UP Congress President Raj Babbar pic.twitter.com/LKya5oZmKw
— ANI (@ANI) September 29, 2016
بھارتی اخبار کی رپورٹ کے مطابق اتر پردیش کانگریس کے صدر راج ببر نے میڈیا سے گفتگو کرتے ہوئے کہا کہ ہماری فوج نے ایک فیصلہ کر لیا ہے اور ہم پوری قوم اپنی فوج کے ساتھ کھڑے ہیں۔ بھارتی اخبار ٹائمز آف انڈیا نے دعویٰ کیا کہ پاکستان دہشتگردوں کو سپورٹ کر رہا ہے اسلئے آل پارٹیز کانفرنس میں پاکستان پر سرجیکل سٹرائیکس بارے حتمی فیصلہ کیا جائے گا۔
