اسلام آباد(خصوصی رپورٹ) پاکستان سے خوفزدہ بھارتی سورماؤں نے پاکستان کو نیچا دکھانے کیلئے اوٹ پٹانگ حرکتیں شروع کر دیں۔ تفصیل کے مطابق بھارت نے پاکستان کا مقابلہ کرنے کیلئے مگرمچھوں کی خدمات حاصل کر لیں ہیں اور مگر مچھوں کو بارڈر کے قریب چھوڑ دیا گیا ہے۔ بھارتی ٹی وی کی رپورٹ میں کہا گیا کہ یوں تو سب نے مگر مچھ دیکھے ہوں گے لیکن ہم آپ کو ایسے مگرمچھوں سے ملواتے ہیں جو پاکستان کو چبا کر کھا جانے کی قوت رکھتے ہیں۔ بھارتی ٹی وی کے مطابق یہ مگر مچھ اپنے کام میں ماہر ہیں اور ان کا کاٹا پاکستان پانی بھی نہیں مانگ سکتا۔ ان جانباز مگر مچھوں سے مل کر آپ کو حیرانی بھی ہوگی اور آپ فخر بھی کریں گے۔
بھارتی ٹی وی رپورٹ میں کہا گیا کہ مگر مچھ وہ خطرناک شکاری ہے جو پانی میں ہو یا باہر ہو، خطرناک ہی رہتا ہے۔ کبھی سمندر اور کبھی ندی میں بے خوف رہنے والے مگر مچھ کی نظروں میں اب پاکستان آ گیا ہے۔ بھارتی ٹی وی رپورٹ میں کہا گیا کہ وہ پاکستان جو ہمیشہ انڈیا کی پیٹھ میں چھرا گھونپتا ہے اور وہ پاکستان کو چار چار بار بھارت سے لڑائی ہار چکا ہے لیکن پھر بھی وہ پاکستان اپنی حرکتوں سے باز نہیں آ تا۔ بھارتی میڈیا رپورٹ میں مضحکہ خیز دعویٰ کیا گیا کہ یہ مگر مچھ پاکستان کو ایک لمحے میں پٹخ سکتے ہیں اور یہ مگر مچھ جاگتے ہیں تو ہمارا پورا ملک سکون سے سوتا ہے۔ واضح رہے کہ بھارتی ٹی وی کی مضحکہ خیز رپورٹ پر بھارت کو پوری دنیا میں مذاق کا نشانہ بنایا جارہا ہے۔

موضوعات:بارڈر بھارت پاکستان