اسلام آباد(نیوز ڈیسک)نئی دہلی میں چالیس گھنٹے سے پھنسے رہنے والے پاکستانی مسافروں کو لاہور پہنچا دیا گیا ، دو روز پہلے بحرین سے لاہور آنے والی خلیجی ایئر لائن کی پرواز کو آسمانی بجلی گرنے کے باعث نئی دلی ایئر پورٹ اتار لیا گیا تھا۔ آسمانی بجلی گرنے سے طیارے کو نقصان پہنچا تھا تاہم مسافر محفوظ رہے ، مسافروں میں دو سو سترہ پاکستانی شامل تھے۔ طیارے کے مسافر چالیس گھنٹے تک نئی دہلی ائیر پورٹ پر پھنسے رہے جس پر وزیر اعظم نواز شریف نے مسافروں کو لانے کے لیے خصوصی طیارہ بھجوانے کی ہدایت کر دی تھی۔ وزیر اعظم کی ہدایت پر آج صبح خصوصی پرواز پاکستانی مسافروں کو لے کر لاہور پہنچی۔ لاہور پہنچنے پر مسافروں کا کہنا تھا کہ باحوصلہ پائلٹ کی بدولت انہیں نئی زندگی ملی