ڈھاکہ(این این آئی)بنگلہ دیش میں معزول وزیر اعظم شیخ حسینہ واجد کی پارٹی عوامی لیگ کے دور اقتدار میں گزشتہ 14 سال کے دوران صرف سڑکوں اور شاہرائوں کی تعمیر کے منصوبوں میں 50 ہزار کروڑٹکے ( 116 ہزار کروڑ روپے) تک کی کرپشن کی گئی ۔عرب ٹی وی کے مطابق یہ انکشاف ٹرانسپیرنسی انٹرنیشنل بنگلہ دیش (ٹی آئی بی) کی ایک رپورٹ میں کیا گیا ہے ۔
رپورٹ کے مطابق عوامی لیگ کی حکومت کے دور میں گزشتہ 14 سالوں میں ڈائریکٹوریٹ آف روڈز اینڈ ہائی ویز کے تحت ترقیاتی منصوبوں کی تعمیر میں 29,230 کروڑ سے 50,835 کروڑ ٹکے تک کی کرپشن ہوئی ہے۔رپورٹ کے مندرجات کو سڑک اور شاہراہوں کے ترقیاتی منصوبوں کے نفاذ میں گڈ گورننس کے چیلنجز کے عنوان سے ایک مباحثے میں پیش کیا گیا۔ٹرانسپیرنسی انٹرنیشنل بنگلہ دیش کی تحقیقات سالانہ ترقیاتی پروگرام (اے ڈی پی ) کے تحت روڈز اینڈ ہائی ویز ڈیپارٹمنٹ کے ترقیاتی منصوبوں پر مرکوز تھی۔اس مطالعہ میں خاص طور پر 1,000 کروڑ ٹکے سے کم مالیت کے منصوبوں کا جائزہ لیا گیا ہے۔
