دبئی (این این آئی)دبئی کے حکمراں شیخ محمد بن راشد آل مکتوم کی ہدایت پر ایگزیکٹو کونسل نے گولڈن ویزے دینے کی منظوری دے دی ہے۔عرب ٹی وی کے مطابق دبئی میں پرائیویٹ ایجوکیشن سیکٹر میں شاندار کارکردگی پر غیر معمولی ماہرین تعلیم کو گولڈین ویزے دینے کا فیصلہ کیا گیا ہے۔مارات کے نائب صدر، وزیراعظم اور دبئی کے حکمراں شیخ محمد بن راشد آل مکتوم کی ہدایت پر دبئی کے ولی عہد اور دبئی کی ایگزیکٹو کونسل کے چیئرمین شیخ حمدان بن محمد بن راشد آل مکتوم نے اس کی منظوری بھی دے دی ہے۔
گولڈن ویزا، دبئی میں ارلی چائلڈ ہوڈ سینٹرز، اسکولز اور ہائر ایجوکیشن انسٹی ٹیوشنز میں اساتذہ کو دیا جائے گا اور یہ اقدام ان افراد کی خدمات کو تسلیم کرے گا، جنہوں نے طلبہ کی تعلیمی کامیابی میں اہم کردار ادا کیا ہے۔اس حوالے سے دبئی کے ولی عہد نے سماجی رابطوں کی ویب سائٹ ایکس پر لکھا کہ اساتذہ کے عالمی دن پر ہم نے دبئی میں پرائیویٹ ایجوکیشن سیکٹر میں نمایاںکارکردگی اور خدمات انجام دینے والے ممتاز اساتذہ کو گولڈن ویزا دینے کی ہدایت کی گئی ہے۔
انہوں نے مزید کہا کہ ہم اساتذہ کے مشن، ذہنوں کی تشکیل، آنے والی نسلوں کی پرورش اور قوموں کی ترقی میں ان کے انمول کردار کو انتہائی قدر کی نگاہ سے دیکھتے ہیں۔
