اسلام آباد(مانیٹرنگ ڈیسک )کرونا وائرس اس وقت پوری دنیاتیزی کیساتھ پھیلتا جارہا ہے ، مہلک وائرس سے اس سے وقت متاثرین کی تعداد 20لاکھ سے تجاوز جبکہ ہلاکتیں ایک لاکھ اکتیس ہزار سے زائد ہو گئیں ہیں ۔ جبکہ صحت یاب ہونیوالے افراد کی تعداد بھی 5لاکھ سے تجاوز کر گئے ہیں ۔ امریکا میں کرونا وائرس کی تباہ کاریاں جارہی ہیں ، متاثرین کی تعداد تیزی کیساتھ بڑھ رہی ہے ۔

اب تک 6لاکھ سے زائد جبکہ ہلاکتیں 27ہزار زائد ہو گئیں ہیں ۔ امریکا کی صورتحال دیکھتے ہوئے امریکی سفیر نے بیان میں کہا ہے کہ متحدہ عرب امارات کو دنیا کا محفوظ ترین ملک ہے ۔ موجود ہ صورتحال میں عرب امارات سے زیادہ کوئی دوسرا ملک نہیں ہو سکتا ۔ اسی لیے میں امریکا جانے کی بجائے یہاں رہنا پسند کروں گا ۔ امریکی سفیر جون ریکولٹا جونیئر نے کہا ہے کہ امارات میں مقیم ہزاروں امریکی شہری واپس امریکا نہیں جانا چاہتے بلکہ وہ بھی یہیں رہنا چاہتے ہیں ۔ ان کا کہنا تھا بہت کم تعداد ہے جو واپس امریکا جانا چاہتی ہے لیکن امریکی سفارتخانہ انہیں فی الحال یہیں روکنے کا کہے گا ۔ انہوں نے بتایا کہ سفاتخانے کی جانب سے کوئی باقاعدہ رجسٹریشن سسٹم نہیں بنایا گیا تاہم فون کالز اور ای میلز کی تعداد سے تخمینہ لگایا جارہا ہے صرف چند سو افراد واپس امریکا جانا چاہتے ہیں ۔ لیکن ہماراخیال ہے کہ اس وقت پوری دنیا کرونا کی مکمل لپیٹ میں ہے میں یہی سمجھتا کہ متحدہ عرب امارات سے زیادہ کوئی جگہ زیادہ محفوظ نہیں ہو سکتی ۔ میں واپس جانے سے یہاں رہنے کو ترجیح دوں گا ۔ مجھے اس جگہ سے محبت سی ہے میں واپس جانے کیلئےہر گز کوشش نہیں کروں گا ۔

موضوعات:کرونا وائرس متحدہ عرب امارات دنیا کا محفوظ ترین ملک قرار