اسلام آباد(مانیٹرنگ سیل) پاکستان کورونا وائرس کو بھارت کے خلاف بائیولوجیکل ہتھیار کے طور پر استعمال کرنا چاہتا ہے۔ بھارتی میڈیا کا الزام ، اپنی ایک رپورٹ میں کہا کہ پاکستان نے نیپال کے راستے اپنے کورونا وائرس کے مریض بھارت بھیجنے کی کوشش کی تاکہ وہاں کورونا کی وبا پھیل سکے۔بھارتی چینل ٹائمز نائو نے الزام لگایا کہ پاکستان بھارت میں کورونا وائرس کی وباء پھیلانے

کی منصوبہ بندی کر رہا تھا۔چینل نے خود ہی خفیہ رپورٹ کا حوالہ دیتے ہوئے کہا کہ پاکستان نے کورونا وائرس کے کچھ متاثرین کو تربیت دی کہ وہ نیپال کی سرحد سے بھارت جائیں اور وہاں کورونا وائرس پھیلائیں۔بھارتی چینل نے یہ بھی دعویٰ کیا کہ نیپال میں کافی تعداد میں پاکستانیوں کو گرفتار کیا گیا ہے، جو مساجد، مدارس اور دیگر جگہوں پر چھپے ہوئے تھے۔

موضوعات:کرونا وائرس