روم(این این آئی )اٹلی میں 95 سالہ خاتون نئے نوول کورونا وائرس سے ہونے والی بیماری کووڈ 19 کو شکست دینے والی ملک کی معمر ترین شخصیت بن گئی ہیں۔غیرملکی خبررساں ادارے کے مطابق خاتون کو شمالی اٹلی کے علاقے موڈینا کے ایک اسپتال میں 5 مارچ کو داخل کرایا گیا تھا۔ خاتون نے مقامی میڈیا کو بتایا کہ میں بالکل ٹھیک ہوں، ڈاکٹر اور طبی عملے

نے صحت یابی میں بھرپور مدد کی، وہ سب زبردست ہیں جنہوں نے میری نگہداشت کی۔یاد رہے کہ چین کے بعد اٹلی اس وبا سے متاثر ہونے والا دوسرا بڑا ملک ہے، جس کے 60 ہزار کے قریب شہری اس سے متاثر جبکہ 6 ہزار سے زائد افراد ہلاک ہوچکے ہیں۔اتنی زیادہ عمر کے ہونے کے باوجود خاتون نے کورونا وائرس کے خلاف جنگ اینٹی وائرل ادویات کے بغیر لڑی۔